Lajmet e fundit

Në holin e Kuvendit të Kosovës u përrua pulla postare “ Dita e Pavarësisë”

E Mërkure, 19.03.2008




Sot ë prani të punonjësve të postës së Kosovës, deputetëve dhe stafit të Ministrisë së Transportit dhe Telekomunikacionit, në holin e Kuvendit të Kosovës, u përurua pulla postare “ Dita e Pavarësisë”, që është misioni i jashtëzakonshëm. i tridhjetedyti me radhë i Postës së Kosovës, në vlerë prej 0,20 E dhe 0,70 E, që dedikohet shpalljes së pavarësisë së vendit më 17 shkurt, 2008.

Manifestimin përurues e ka hapur, Kastriot Abdyli, shef i Zyrës Kryesore të Oprerativës, kurse drejtori i PTK-së, Rafet Jashari, theksoi se kjo pullë u kushtohet të gjithë atyre që kontribuuan dhe u sakrifikuan për lirinë e Kosovës. Ne u përçojmë mesazhin qytetarëve të Kosovës se me këtë pullë do të përfaqësohet anembanë botës si shtet i pavarur dhe demokratik, ka theksuar Jashari. Prandaj kjo pullë, ka theksuar ai,do të jetë ambasadori i parë i Republikës së Kosovës në botë.

Duke i e uruar PTK-në për emetimin e kësaj pulle postare, kryetari Kuvendit të Kosovës, Jakup Krasniqi, ka vlerësuar se pulla postare që Posta e Kosovës po e vë sot në qarkullim mban titullin e madh “Dita e Pavarësisë”, prandaj ka rëndësi historike për Posttelekomin, si institucion publik i Republikës së Kosovës dhe për filatelinë tonë. Me përmbajtjen që ka, me mesazhin që bart, me dizajnin e bukur dhe shumë domethënës të identitetit, ajo do të bëhet lajmëtar në katër anët e botës për ngjarjen e madhe të shpalljes së Pavarësisë së Kosovës, më 17 shkurt 2008, ka spikatur Krasniqi, i cili ka folur edhe për njohjen e Kosovës nga shtete të ndryshme të botës, kurse pavarësinë e Kosovës e ka quajtur akt historik dhe realitet të pakthyeshëm.

Ministri i Transportit dhe i Telekomunikacionit, Fatmir Limaj, ka thënë para të pranishmëve se filatelia e Kosovës u pasurua edhe me një pullë postare të re, shumë të rëndësishme dhe simbolike. Të gjitha aktivitetet tona, tash e tutje, do të pasqyrojnë vlera të mirëfillta shtetërore të vendit tonë, ka thënë Limaj, i cili ka vënë në pah se me këtë pullë postare, shteti ynë i ri do të bëhet i njohur gjithandej botës.
Në holin e Kuvendit të Kosovës u përrua pulla postare “ Dita e Pavarësisë”
 

Komisioni për Buxhet dhe Financa

Tel: 038 211 186

Email: asd@sadfsdf.com

Komisioni për Buxhet dhe Financa

Tel: 038 211 186

Email: asd@sadfsdf.com