Lajmet e fundit

Kryeparlamntari Krasniqi takon kryetarët e komisioneve dhe shefat e grupeve parlamentare

E Hënë, 07.04.2008




Kryetari i Kuvendit të Republikës së Kosovës, Jakup Krasniqi, ka takuar sot shefat e grupeve parlamentare dhe kryetarët e komisioneve parlamentare për të biseduar për përshpejtimin e punës së komisioneve parlamentare për shqyrtimin dhe amendamentimin e projektligjeve në procedurë parlamentare.

Duke i përkujtuar të pranishmit se Kuvendi ka kaluar 29 ligje në shqyrtim të parë, të cilat tani janë në fazën e shqyrtimit dhe të amendamentimit nëpër komisionet kryesore dhe funksionale të Kuvendit, si dhe tri ligje, të cilat presin shqyrtimin e parë, kryeparlamentari Krasniqi ka kërkuar në zhuritet dhe më të madh të punës së komisioneve parlamentare.

Kryetarët e komisioneve kanë raportuar për agjendën e tyre të punës për shqyrtimin e projektligjeve në procedurë, duke u zotuar se projektligjet do të shqyrtohen në afat të rregullt ligjor. Ata, ndërkaq, kanë shprehur me këtë rast edhe një varg kërkesash për kushte më të mira pune për komisionet, të cilat i drejtojnë, për zyre dhe hapësira të tjera pune, e sidomos për sa i përket mbështetjes me ekspertë ligjorë të lëmenjve të ndryshëm.

Kreu i Kuvendit, Krasniqi, është shprehur optimist se në një afat jo shumë të largët, pasi që Presidenca, Miinistria e Transportit dhe ajo e Drejtësisë, si dhe Shtylla e IV e UNMIK-ut, të kalojnë në ndërtesa të tjera, do të krijohet hapësirë më komode pune, jo vetëm për komisione, por edhe për deputetë.
Kryeparlamntari Krasniqi takon kryetarët e komisioneve dhe shefat e grupeve parlamentare
 

Komisioni për Buxhet dhe Financa

Tel: 038 211 186

Email: asd@sadfsdf.com

Komisioni për Buxhet dhe Financa

Tel: 038 211 186

Email: asd@sadfsdf.com