Lajmet e fundit

Kryeparlamntari Krasniqi priti shefin e Misionit të OSBE-së në Kosovë, Tim Guildiman

E Premte, 06.06.2008




Kryetari i Kuvendit të Republikës së Kosovës, Jakup Krasniqi, ka pritur sot shefin e Misionit të OSBE-së në Kosovë, z. Tim Guildiman, me të cilin ka biseduar për zhvillimet në Kosovë, për vazhdimin e mbështjes së Kuvendit të Kosovës dhe të procesit të demokratizimi të vendit.

Kryeparlamentari Krasniqi e ka falënderuar shefin e OSBE-së në Kosovë, Guildiman, për mbështetjen e vazhdueshme të OSBE-së për Kuvendin e Kosovës dhe institucionet e tjera të vendit, sidomos për angazhimet për bashkëpunim me qytetarët dhe shoqërinë civile, si dhe për transparencën në rritje të legjislativit të vendit. Krasniqi ka shprehur gatishmërinë për vazhdimin e bashkëpunimit të Kuvendit me OSBE-në edhe pa 15 qershorit, kur hyn në fuqi Kushtetuta e Republikës së Kosovës dhe marrin kompetenca të reja institucionet e Kosovës.

Shefi i Misionit të OSBE-së në Kosovë, Tim Guildiman, e ka përgëzuar kryeparlamenterin Krasniqi për punën e madhe që ka bërë dhe vazhdon të bëjë Kuvendi i Kosovës për miratimin e ligjeve dhe për thellimin e demokracisë parlamentare. Ai ka shprehur vullnetin e OSBE-së dhe vullnetin e tij për të vazhduar bashkëpunimin e ndërsjellë dhe mbështetur Kuvendin e Kosovës në procesin e demokratizimit të vendit. OSBE-ja e ka ndihmuar procesin demokratik të Kosovës dhe do të vazhdojë ta mbështesë Kuvendin e Kosovës, ka premtuar Guildiman.

Duke iu përgjigjur pyetjeve të gazetarëve, pas takimit, nëse është biseduar edhe për proceduarat dhe kohën e zgjedhjes nga Kuvendi të Avokatit të Popullit, Krasniqi është shprehur se ka biseduar për të gjitha proceset në Kosovë, duke përfshirë edhe zgjedhjen e Avokatit të Popullit, si dhe ka premtuar se zgjedhje e tij do të bëhet në mënyrën më demokratike.
Kryeparlamntari Krasniqi  priti shefin e Misionit të OSBE-së në Kosovë, Tim Guildiman
 

Komisioni për Buxhet dhe Financa

Tel: 038 211 186

Email: asd@sadfsdf.com

Komisioni për Buxhet dhe Financa

Tel: 038 211 186

Email: asd@sadfsdf.com