Kuvendi i Republikës së Kosovës është i hapur për të gjithë qytetarët e vendit e të huaj.
Vizitat e tyre në ndërtesën e Kuvendit, ndjekja e mbledhjeve plenare, njohja me organizimin, punën dhe funksionimin e Kuvendit, paraqesin një aktivitet të dendur në punën e tij.
Nxënësit filloristë dhe ata të shkollave të mesme, janë target-grupi kryesor, i cili zë vend në aktivitetet publike që zhvillon Kuvendi.
Mijëra nxënës, por edhe qytetarë të grup moshave të tjera, vizitojnë Kuvendin gjatë një viti.
Nën moton “Dyert e hapura të Kuvendit”, Kuvendi organizon së paku tri ngjarje të tilla për qytetarët brenda një viti:
1 Qershori – Dita Ndërkombëtare e Fëmijëve
Bashkatdhetarët në Kuvend (22-23 korrik)
15 Shtatori – Dita Ndërkombëtare e Demokracisë
Nëse doni të zhvilloni një vizitë në Kuvend dhe të njiheni me punën e përfaqësuesve tuaj të zgjedhur, ndiqni këtë procedurë:
http://www.kuvendikosoves.org/shq/per-publikun/sherbimet/vizita-ne-kuvend/
