Qytetarët e Kosovës, në numër të madh, vazhdojnë të presin në radhë të gjata, nëpër mot shumë të ftohtë, për të bërë homazhe pranë trupit të pajetë të Presidentit Rugova në hollin e Kuvendit të Kosovës. Delegacione të shumta vendore dhe ndërkombëtare po bëjnë homazhe në nderim të jetës dhe figurës së Presidentit Rugova.
Institucionet bashkë me qytetarët, në këto ditë të dhembjes së madhe, po tregojnë shkallë të lartë uniteti. Kemi obligim dhe përgjegjësi që të nxjerrim energjitë e fundit, për të realizuar amanetin e Presidentit Rugova për pavarësi të Kosovës
Mediat duhet të paraqiten në Njësinë e Akreditimit të UNMIK-ut gjatë ditës së sotme (e mërkurë) më së voni deri në ora 20:00 për të marrë AKREDITIMIN SPECIAL. Ky Akreditim Special duhet të shoqërohet me një ID valide.
Në ceremoninë zyrtare në sallën “1 Tetori†fjalë rasti do të mbajnë: PSSP Soren Jesen Petersen, Kryetari i Kuvendit të Kosovës, Akademik Nexhat Daci, kryeministri i Kosovës, Bajram Kosumi, nënkryetari i LDK-së, Kolë Berisha, dhe përfaqësuesi i familjes së Presidentit Rugova.
