Komisioni për Çështje të Sigurisë dhe Mbrojtjes, drejtuar nga kryetari Bekë Berisha, shqyrtoi sot Projektligjin për mbrojtje nga zjarri. Me këtë rast, pas miratimit në parim, lidhur me këtë projektligj u formua edhe grupi i punës.
Komisioni po ashtu shqyrtoi edhe Projektligjin mbi ndarjet buxhetore për Buxhetin e Republikës së Kosovës për vitin 2024, nga fushëveprimi i Komisionit. Lidhur me këtë Komisioni u dakordua që të mbajnë sërish një takim tjetër gjatë javës së ardhshme.
Në këtë mbledhje po ashtu u shqyrtuan edhe një sërë çështjesh dhe projektligjesh që bien në fushëveprim të Komisionit, si dhe u diskutua nga përfaqësues të grupeve punuese ecuria e procesit të punës në amendamentimin e projektligjeve. Me theks të veçantë, një diskutim i gjerë u zhvillua edhe rreth Projektligjit për Agjencinë e Sigurisë dhe Mbrojtjes, pas prezantimit të kryetarit të grupit punues, Enver Dugolli.
