Komisioni për Mjedis, Ushqim, Bujqësi, Planifikim dhe Zhvillim

Fushëveprimi i këtij komisioni përfshinë:

• Angazhimin për përcaktimin dhe përcjelljen e politikave të zhvillimit të bujqësisë, pylltarisë, sigurimit dhe sigurisë së ushqimit, zhvillimit rural, mjedisit, planifikimit hapësinor dhe infrastrukturës;
• Angazhimin për konceptimin e strategjisë së përgjithshme për zhvillimin e bujqësisë, sigurimit dhe sigurisë së ushqimit, pylltarisë, zhvillimit rural, mjedisit, planifikimit hapësinor dhe infrastrukturës, duke përcjellë modelet më të avancuara bashkëkohore nga këto fusha;
• Shqyrtimin e nivelit të zbatimit të programit të Qeverisë në fushën e bujqësisë, sigurimit dhe sigurisë së ushqimit, pylltarisë, zhvillimit rural, mjedisit, planifikimit hapësinor dhe infrastrukturës dhe i jep rekomandime Kuvendit;
• Bashkëpunimin me komisionet e tjera të Kuvendit, në veçanti, me Komisionin për Buxhet, Punë dhe Transfere, kur është fjala për financimin dhe për menaxhimin e programeve nga Qeveria;
• Shqyrtimin e legjislacionit të fushëveprimit të tij;
• Ndërmarrjen e nismave legjislative;
• Shqyrtimin e projektbuxhetit dhe rishikimin e buxhetit të ministrisë së resoreve përkatëse dhe i rekomandon Komisionit për Buxhet, Punë dhe Transfere shqyrtimin dhe miratimin e tij në Kuvend, duke i përfshirë edhe amendamentet;
• Mbikëqyrjen e zbatimit të ligjeve të fushëveprimit të tij;
• Shqyrtimin e çështjeve të tjera të përcaktuara me këtë Rregullore dhe të çështjeve, të cilat me vendim të veçantë të Kuvendit, i barten këtij komisioni.

Për ushtrimin e funksioneve, Komisioni bashkëpunon me ministritë e resoreve përkatëse, me të gjitha ministritë e tjera, nga të cilat mund të kërkojë të dhëna konkrete, duke i përfshirë këtu edhe raportet e drejtpërdrejta të ministrave ose të personave të tjerë përgjegjës, kur kjo kërkohet nga komisioni.