Lajmet e fundit

Kryeparlamentari Krasniqi kishte sot edhe një takim me shefin e Zyrës së Shqipërisë në Prishtinë, Arben Çeku. Me këtë rast kryeparlamentarit Krasniqi ai i shprehu urimet më të thella për postin e ri. Njëkohësisht, z. Arben Çeku premtoi mbështetjen e mëtejme të Shqipërisë ndaj Kosovës, në këtë momente të rëndësishme të përcaktimit të statusit të saj.

Shefi i Zyrës së Shqipërisë i përcolli kryeparlamentarit Krasniqi edhe tekstin e urimit të kryeparlamentares së Shqipërisë, zonjës Jozefina Topalli.