Komisioni për Buxhet dhe Financa i Kuvendit të Kosovës, i drejtuar nga Naser Osmani, kryetar i komisionit, në mbledhjen e të ciklit merrnin pjesë edhe ministri për Ekonomi dhe Financa, Haki Shatri, me këshilltarët e tij si dhe këshilltarët e USAID-it, ka shqyrtuar sot zërat e veçantë të Projektligjit për Buxhetin e Konsoliduar të Kosovës për vitin 2005 dhe ka bërë edhe amendamentimin e Projektligjin për verërat.
Për buxhetin e vogël të Kosovës prej 713,9 milionë euro, kërkesat e segmenteve të shfrytëzuesve buxhetor ishin të mëdha, prandaj edhe punë e madhe dhe me përgjegjësi e komisionit për t™i balancuar. Kështu komisioni vendosi që nga mbështetja buxhetore për Radiotelevizionin e Kosovës prej një milion euro, 400 mijë të derdhën në konton e Akademisë së Shkencave dhe Arteve të Kosovës, kurse zëri financiar prej 246 mijë euro i paraparë për ASHAK-në u propozua që të mbetet në buxhetin e Ministrisë së Arsimit, Shkencës dhe Teknologjisë, për financimin e punonjësve të Universitetit të Prishtinës. Ishte interesant që versioni i fundit i Ministrisë së Arsimit, krahasuarin me të parin, dallohej për më se 600 punonjës të rizbuluar të Universitetit, kurse dallimi në paga është më shumë se 344 mijë euro.
Komisioni është pajtuar me buxhetin e përcaktuar për ministritë e reja prej një milion e gjysmë euro ( për paga, për lokalin dhe mjetet e punës).
Komisioni parlamentar për Buxhet dhe Financa ka konstatuar se në shumën prej më shumë se 80 milionë euro për financimin e organizatave me përgjegjësi të rezervuar, mungonte zëri prej 12 milionë euro që ishte paraparë për Aeroportin e Prishtinës. Ishte qëndrim i komisionit, ndërkaq, që organizatat publike të ndihmohen nëpërmjet huadhënies vetëm kur të fillojnë t™i kthejnë borxhet dhe të aftësohen që t™i shërbejnë Buxhetit të Kosovës.
Në mesin e anëtarëve të komisionit pati pakënaqësi për zvogëlimin e buxhetit për Ministrinë e Kulturës, të Rinisë dhe Sport, por pati edhe zëra se kjo ministri ka financuar aktivitete të parëndësishme kulturore dhe tifozllëqe të panevojshme sportive.
Për shkak se nuk i kishin marrë me kohë materialet që shqyrtoheshin dhe me arsyetimin se ishin ndryshuar pa u konsultuar zërat e veçantë tabelar për shfrytëzuesit e Buxhetit të Kosovës, anëtarët e komisionit nga radhët e Grupit parlamentar të PDK-së nuk kanë votuar dhe e kanë lëshuar mbledhjen e komisionit. Deputetët nga radhët e pozitës kanë vlerësuar se veprimi i tillë i kolegëve të tyre është i motivuar thjeshtë politikisht.
Vërejtjet, plotësimet dhe propozimet e Komisionit parlamentar për Buxhet dhe Financa do t™i dorëzohen Kryesisë së Kuvendit të Kosovës për t™i radhitur për shqyrtim dhe miratim në seancën e ardhshme plenare.
_JcXcwW3XS4.JPG)
