Nën drejtimin e kryetarit Ardian Gola, Komisioni Parlamentar për Arsim, Shkencë, Teknologji, Inovacion, Kulturë, Rini dhe Sport, së bashku me organizatën Edutask, organizoi sot në Prishtinë tryezën e diskutimit “Prej politikave në praktikë: Shqyrtimi i progresit në arsim të lartë dhe shkencë”.
Në këtë tryezë ishin të pranishëm anëtarë të komisionit, drejtues të Ministrisë së Arsimit, Shkencës dhe Teknologjisë, përfaqësues nga Agjencia e Kosovës për Akreditim, rektorë dhe prorektorë të universiteteve publike në Kosovë, përfaqësues nga Edutask etj.
Debati lidhur me temën e diskutimit u shtrua në katër çështje: progresi i zbatimit të Ligjit për Akreditim, financimi i bazuar në performancë, strategjia e specializimit të mençur dhe financimi, masat dhe përkrahja për kërkim dhe inovacion, me synimin që ky diskutim të kontribuojë në Raportin e Progresit të Komisionit Evropian për Kosovën.
Të pranishmit paraqitën pikëpamjet e tyre lidhur me pikat e diskutimit, duke vënë theksin mbi problematikat dhe sfidat aktuale në sferën e arsimit të lartë dhe në shkencë, si dhe te mundësitë për zgjidhjen e tyre në funksion të arritjes së një niveli më të lartë arsimor sa i përket cilësisë.
_s6sXRmY4G6.JPG)
_etdTuVyecq.JPG)
